ക്ഷണികം...ക്ഷണനം ...

 തികച്ചും ആകസ്മികമായാണ് ഞാന്‍ അവളെ കണ്ണ്ടത് ....
 അവള്‍ സുന്ദരിയായിരുന്നു....
 അവള്‍ എനിക്ക് പരിചിതയായിരുന്നില്ല...
 എന്നിട്ടും അവള്‍ എന്നോട് ചിരിച്ചു.....
 ചിന്നി ചിതറുന്ന മഴ തുള്ളികളിലൂടെ അവള്‍ എന്നിലേക്ക്‌ ഓടിയടുത്തു ..... ഞാന്‍ പിടിച്ചിരുന്ന കുടക്കീഴിലേക്ക്‌ അവള്‍ കയറി നിന്നു...... മഴത്തുള്ളികളില്‍ നിന്നു രക്ഷപ്പെടാനോ എന്തിനോ  അവള്‍ എന്നോട് ചേര്‍ന്ന് ഒട്ടി  നിന്നു.... എനിക്കൊന്നും പറയാന്‍ കഴിഞ്ഞില്ല.....അവളുടെ ദേഹത്തെ വര്‍ണ്ണതുള്ളികള്‍ എന്നെ നനച്ചു തുടങ്ങി ... അവള്‍ എന്നിലേക്ക്‌ ആഴ്ന്നിരങ്ങുന്നത് ഞാന്‍ അറിഞ്ഞു .... വജ്ര ചീളി പോലെ, പൊടുന്നനെ ഒരു ഒരു കൊള്ളിയാന്‍ എനിക്ക്  മുന്നില്‍ മിന്നിയിറങ്ങി.... എന്റെ കയ്യിലുള്ള കാലന്‍ കുടയ്ക്ക് ആ കൊള്ളിയനില്‍ നിന്നും എന്നെ രക്ഷിക്കാന്‍ കഴിയുമായിരുന്നില്ല..... തളര്‍ന്നു പോയ എന്നെ അവള്‍ എടുതുയരുന്നത്  ഞാന്‍ അറിഞ്ഞു.... താഴെ  ഞങ്ങള്‍ക്കടിയില്‍ ആളുകള്‍ തടിച്ചു കൂടുന്നതും നിലവിളികള്‍ ഉയരുന്നതും ഞാന്‍ അറിഞ്ഞു .... മരണത്തിനും ഒരു സുന്ദരിയുടെ മുഖമാണെന്ന് ഞാന്‍ തിരിച്ചറിയുന്നതിനു മുന്‍പേ, അവളെന്നെയും കൊണ്ടു പറന്നുയര്‍ന്നു.